Нибуров мир

— Како нынче с немцами на Новом городе дознаться, — перечислял митрополит, — ибо ведомо мне, что при них есть поп латынский.
— Тот поп только немецких гостей дела ведет, — удивился Феофан.
— Так по Нибурову миру положено, а что на деле, нам неведомо, потому и дознать

Прямой наследник, глава 17

Нибуров мир - подписан в 1392, действовал до ликвидации Немецкого двора в Новгороде в 1494.

Подписанты: посадник Тимофей Юрьевич и тысяцкий Никита Федорович, т.е. первые лица Новгорода. С немецкой стороны - любеский ратман Иоганн Нибур, но предполагалось участие любекского бургомистра (т.е. фактически первого лица Ганзы) Готфрида Травельмана, но он по дороге помер. 

Два основных экземпляра - на русском языке, с них имеются "заверенные" переводы на немецкий. Вводились принцип личной ответственности виновников вместо коллективной ответственности соотечественников, гарантия безопасного проезда купцов.

Поминаемое в тексте: опасная грамота - дипломатический паспорт :), Ругодив - Нарва

Собственно текст:

Се приѣха Иванъ Нибуръ из Люпка посольствомъ, Иньца Вландерь и Федоръ Куръ из Гоцького берега, из заморья, из Ригѣ Тилька Нибрюгѣ, изь Юрьева Еремѣ и Кѣглерь и Винька Клинъкродъ, ис Колываня Григорья Вить, и от всихъ купьцовъ заморьекыхъ и се сторонѣ поморья к посаднику Тимофѣю Юрьевицю и тысяцькому Микитѣ Федоровицю, ко всему Великому Новугороду. А повѣстуете тако: намъ с вами опришьни миръ, взялѣ есте у нашихъ купцовъ товаръ в Новѣгородѣ
у юрьевъцовъ и в иныхъ городовъ и на сомъ поморьи, и на опасной грамотѣ, что есте к намъ прислалѣ за посадницею пецатью Василья Ивановича и тысяцького Григорьи Ивановича. 

И посаднике и тысяцькыи и весь господинъ Великы Новъгородъ, смотрѣвъ в грамотѣ в старѣй в заморьскѣи в хрестнѣи и въ пасъ свои, за и до Новугороду заморьци с нѣмѣцькыми купци миръ опришьнии и грамотѣ опришьнии, тѣ товаръ, что в Ругодивѣ порубилѣ, и противъ того товара повеле Новъгородъ взяти товаръ своей братьи. И посадникъ и тысяцькыи и весь господинъ великыи Новъгородъ повелѣша товаръ дати своей братьи, и Федору, и Михаилѣ и Василья, и Тереньтѣю, и Смену, и Сидору, Ильинымъ дѣтемъ. 

Ивану Нибуру и н Иньцѣ Вланьдерь и Федору Куру из Гоцького берега, заморьскому послу, и Тилькѣ из Ригѣ и юрьевьскому Еремѣю и Винькѣ, ис Колываня Григорью, вѣдатися имъ самы с тымы истцѣ своимы купьци, цѣи товаръ. Тѣи товаръ, что в Ругодивѣ порублене у новгороцкыхъ купьцовъ, у Федора, и у Михалѣ, у Василья и Терентѣя Ильиныхъ дѣтей и у ихъ друговъ; а то Новъгородъ увѣдается с ругодивци, кто у ихъ товаръ поимале. А что грамота опасная за посадницею пецатью Василья Ивановича и тысяцького Григорьи Ивановича, а то есме отдалѣ Новугороду.

А что о другой грамотѣ, о которои Новъгородъ говорить, за Олексѣевои владыцнею пецатью и за посадницею Васильевой Федоровица и тысяцького Богъдана Обакуновица, а та грамота Ивану и его другамъ выдати; или не изанаидуть, не поминати ни въ вѣкы той грамотѣ опасной, а по томъ заморьскымъ нѣмѣцькымъ купьцамъ и на сомъ поморьи ничто не на-
добѣ, ни поминати до новгороцькыхъ купьцовъ, до Федора, и до Михаилѣ, и до Василь я, и до Терентѣя, и до Смена, и до Сидора, и до Ильиныхъ дѣтей, и до ихъ друговъ, и до ихъ племени в томъ товарѣ ни и въ вѣкы.

А что буде сопналося купьцю с купьцомъ с обѣ половинѣ, или по семъ сопнется, а то знати исцю исца, неправа имъ дати по хрестному целованию на обѣ половинѣ и по старому доконьцанию. 

Что Иванъ Нибуръ люпекый повѣстовале и его дружина Иньца Вландерь и Федоръ Куръ заморьекыи посолъ, и на сомъ поморьи Тилка из Ригы, и Еремѣи и Винька изь Юрьева, ис Колываня Григорья о своей божьницѣ, что дворъ ихъ погорѣле, что у ихъ божьницѣ пакость учинилась, аже гдѣ изнаидуть той згыбелѣ или тать или товаре, что ни наидуть, а то Великому Новугороду, обыскавъ, дати неправа на томъ товарѣ и на татей по хрестному целованию безо всякой хитрости; а нѣмьцомъ взяти бес пенѣ; или не будетъ, в томъ Новугороду измѣнѣ нѣту. Атакоже Ивану Нибуру изь Люпка, Иньцѣ Вландерь и Федору Куру, нѣмѣцькымъ посломъ, искати, что побилѣ розбоиникѣ на Невѣ Матьфѣева сына и его друговъ и товаръ отъималѣ; аже наидуть что с того товара, выдати нѣмьцомъ Новугороду по хрестному целованию; или не наидуть, в томъ нѣмьцамъ измѣнѣ нѣтуть.

А пеня гдѣ зацнется, ту ея коньцати. А се которое орудье завяжется въ обидѣ промежи Великого Новагорода с свѣскымъ короломъ, или съ велневицами, или с Пискупомъ рискъмъ, или с пискупомъ юрьевьскимъ, или с пискупомъ островьскымъ, или с ругодивци, или розбоиникы на морѣ, а то купьцамъ не надобѣ. 

А купьцамъ нѣмѣцькымъ путь цисть сквозѣ Новгороцькую волость, горою и водою, в Новъгородъ приѣхати и отъѣхати бес пакости. А новгороцькымъ путъ цистъ на Гоцькы берегъ, по пискуплѣ земли юрьевьского и по его городамъ, горою и водою путь цистъ, въ Юрьево приѣхати и отъѣхати бес пакости. А купьцамъ торговати по старынѣ, с обѣ половинѣ. А что подъ пискуплимъ городомъ колода цересъ рѣку за замъкомъ, а туды новгороцькому купьцю путь цистъ. А на томъ дѣлѣ о всякомъ дѣлѣ, которое переду псано, посадникъ Тымофѣ Юревиць и тысяцькы Микита Федоровиць на томъ хрестъ целовали за весь Новъгородъ, какъ то держати по старынѣ, в хрестное цолование, безо всякои хитрости.

И такоже послы заморьекыи из Люпка Иванъ Нибуръ, из Гоцького берега Иньца Вландерь и Федоръ Куръ, из Ригы Тилька Нибрюгѣ, изь Юрьева Еремѣи Кѣглерь и Винька Клинъкродъ, ис Колываня Григорья Вить хрестъ целовалѣ по сому доконьцанию и по старому хрестному целованию держати безо всякой хитрости.

И примерно как это выглядело (более ранняя грамота):